Soccer and Education USA hefur hjálpað mikið af íþróttafólki að komast í nám til Bandaríkjanna.
Fyrirtækið hefur vakið mikla athygli á þeim stutta tíma sem það hefur starfað en það eru fyrrum knattspyrnufólkið Brynjar Benediktsson og Jóna Kristín Hauksdóttir sem eiga fyrirtækið.
Bæði höfðu fari í nám í Bandaríkjunum á námsstyrk og þekkja því öll skrefin sem þarf að fara í gegnum. Þau hafa síðustu ár hjálpað fjöldanum öllum af íþróttafólki að komast út og fá styrki með námi sínu.
Nú 2 og 3. febrúar stendur fyrirtækið fyrir sýningarleik hér á landi þar sem íslenskir leikmenn spila.
Meira en 40 þjálfarar úr háskólum í Bandaríkjunum munu mæta á svæðið og skoða leikmenn.
,,Þetta er í annað skipti sem við stöndum fyrir „Showcase-i“ sem þessu eftir mjög vel heppnað Showcase í fyrra þar sem 25 þjálfarar mættu til landsins. Leikirnir bjóða uppá gríðarlegt tækifæri fyrir þessa leikmenn. Leikirnir verða spilaðir í Fífunni Kópavogi,“ sagði Brynjar einn af starfsmönnum Soccer and Education USA um málið.
,,Þetta verða í kringum 60 íslenskir leikmenn sem spila í efstu 3 deildum á Íslandi. Sýningarleikirnir munu koma til með að auðvelda ungum og efnilegum leikmönnum að fá góða styrki í háskólum víðs vegar um Bandaríkin. „
Á föstudag er spilað frá 21:00 til 23:00 í Fífunni og á laugardag frá 14-16:10.