Manchester City hefur ákveðið að leyfa varnarmanninum Eliaquim Mangala að fara annað á frjálsri sölu.
Enskir miðlar greina frá þessu í dag en Mangala fær ekki að spila með City á undirbúningstímabilinu.
Mangala kostaði City 42 milljónir punda árið 2014 en hann var þá keyptur frá Porto í Portúgal.
Hann hefur hins vegar alls ekki staðist væntingar á Englandi og hefur verið lánaður annað nokkrum sinnum.
Mangala skrifaði óvænt undir framlengingu á samningi sínum fyrir fjórum mánuðum en má nú fara annað frítt.
City býst ekki við að mörg félög séu tilbúin að borga fyrir Mangala sem er 28 ára gamall.