Ruud Gullit, fyrrum landsliðsmaður Hollands, hefur sent landa sínum Virgil van Dijk smá pillu.
Van Dijk er talinn einn besti varnarmaður heims en hann hefur staðið sig afar vel með Liverpool.
Gullit heimtar þó meira og vill að Van Dijk spili betur með hollenska landsliðinu.
,,Hann hefur gert mjög góða hluti með Liverpool, hann var það sem liðinu vantaði,“ sagði Gullit.
,,Hann þarf hins vegar að gera betur með hollenska landsliðinu. Ekki bara hann, heldur líka Matthijs de Ligt.“
,,Í 10 af síðustu 14 leikjum höfum við lent 1-0 undir. Ef þú ert með svona góða vörn þá þarftu ekki að fá þessi mörk á þig.“
