David De Gea, einn besti markvörður í heimi ætlar ekki að gefa neitt eftir í kröfum sínum. Manchester United reynir að framlengja samning hans.
De Gea verður samningslaus eftir um 18 mánuði og vill United halda honum.
The Times segir að United sé tilbúið að greiða De Gea, 365 þúsund pund í föst laun á viku. Hann yrði þar með launahæsti leikmaður deildarinnar.
Alexis Sanchez er með 350 þúsund pund á viku en fær svo góða bónusa fyrir spilaða leiki.
De Gea er besti markvörður deildarinnar og hefur verið síðustu ár, hann myndi gera samning til ársins 2024.
Samningurinn kostar United nálægt 90 milljónum punda en félagið áttar sig á því að það kostar meira að fylla skarð hans.
Times segir að United búist við því að samkommulag náist nema að umboðsmaður hans komi með glórulausar kröfur í lokin.