Frank Lampard, stjóri Chelsea, segir að gagnrýnin á Ole Gunnar Solskjær, stjóra Manchester United, sé ósanngjörn.

Solskjær byrjaði afar vel með United í desember en fékk töluverða gagnrýndi undir lok síðustu leiktíðar.

Margir telja að hann sé ekki tilbúinn að stýra liði á borð við United og það sama má segja um Lampard hjá Chelsea.

,,Ég veit af þessu, þetta fylgir starfinu. Þetta getur þó stundum verið of mikið,“ sagði Lampard.

,,Þetta er mögulega aðeins of hörð gagnrýni því þetta er eitthvað sem hann tók að sér.“

,,Maður verður að fylgjast með honum á þessu tímabili og sjá hvað hann gerir. Ég hlusta ekki of mikið á svona hluti.“