Ole Gunnar Solskjær, stjóri Manchester United, var að vonum fúll í dag eftir leik við Crystal Palace.
United byrjaði tímabilið á 4-0 sigri gegn Chelsea á Old Trafford en tapaði svo óvænt heima gegn Palace í dag, 2-1.
Í öðrum leiknum í röð þá klikkar liðið á vítaspyrnu en að þessu sinni var það Marcus Rashford.
,,Staðreyndin er sú að þeir skoruðu tvö mörk og við eitt. Við nýttum ekki færin og þeir skora tvö auðveld mörk,“ sagði Solskjær.
,,Við vörðumst illa á köflum í dag. Við reyndum ekki nógu oft á markvörðinn. Það kostaði okkur mikið í dag.“
,,Tveir leikir, tvö vítaspyrnuklúður. Stundum gerist þetta. Ég hef klúðrað nokkrum sjálfur. Ef við skorum úr þeim þá er sagan önnur.“