Anthony Martial og Marcus Rashford verða að bera uppi sóknarleik Manchester United í vetur. Félagið seldi Romelu Lukaku í sumar.
Það er pressa á herðum þeirra að standa sig en báðum hefur vantað stöðuleika. Rashford skoraði tvö í fyrsta leik gegn Chelsea í ár, Martial hefur skorað í báðum fyrstu leikjum ársins.
Martial hóf feril sinn hjá United í treyju númer 9 en missti hana þegar Zlatan Ibrahimovic kom til félagsins, hann hefur fengið hana aftur núna.
,,Frá því að ég var krakki þá hef ég spilað í treyju númer 9, það er mín uppáhalds tala. Núna spila ég mína stöðu, sem fremsti maður og ég vil sanna að ég sé bestur. Þessa stundina gengur það vel,“ sagði Martial.
,,Þegar þú ert framherji, þá er það þitt hlutverk að skora eins miki og hægt er.“
,,Það er aðeins meiri pressa á sér, það er ekki eitthvað sem nær til mín. Ég held mínum markmiðum fyrir mig.“