Ryan Giggs, goðsögn Manchester United, segir að landi sinn Daniel James sé enginn svindlari.
James fékk gult spjald á mánudaginn fyrir dýfu er United spilaði við Wolves í ensku úrvalsdeildinni.
James lét sig falla án snertingar en Giggs hefur komið vængmanninum unga til varnar.
,,Það er sparkað oft í Dan. Stundum býstu við snertingunni og það lítur út fyrir að vera dýfa,“ sagði Giggs.
,,Á þessum hraða sem hann er á þá lítur þetta oft verra út. Hann fær oft hressilegar móttökur og dómarar þurfa að verja hann.“
