PSG er að fá nóg af viðræðum við Barcelona er varða Neymar, félagið telur Börsunga ekki nálgast þann verðmiða sem félagið vill.
Barcelona hefur reynt að fá Neymar að láni og kaupa hann eftir ár, félagið virðist ekki eiga fjármunina.
Barcelona þarf líka að lækka launakostnað sinn í dag, en hann er í dag 77 prósent af tekjum félagsins.
Real Madrid fylgist með gangi mála og ætlar að stökkva inn á næstu dögum, gangi Barcelona ekki frá samningi við Neymar.
Þannig segir sérfræðingurinn Guileme Balague að Real Madrid muni bjóða pening, Keylar Navas, Luka Jovic og annan leikmann.
Jovic kom fyrir tæpar 60 milljónir punda í sumar til Real Madrid en gæti nú farið til PSG.
