Gerard Pique, leikmaður Barcelona, hefur rætt við Neymar um mögulega endurkomu til félagsins.
Pique greindi frá þessu í gær en Neymar er sterklega orðaður við endurkomu – hann leikur með Paris Saint-Germain.
Pique vill fá Neymar aftur til félagsins en hvort það gerist verður að koma í ljós á næstu dögum.
,,Ég tel að hann sé frábær leikmaður, hann þekkir búningsklefann, borgina og félagið,“ sagði Pique.
,,Það eru margir ósáttir við hvernig hann yfirgaf félagið en margir voru einnig ánægðir með hans frammistöðu.“
,,Þetta er mjög flókin staða. Hann er leikmaður PSG og leikmannahópurinn okkar er nógu sterkur til að berjast um alla titla.“
,,Ef tækifærið gefst.. Þið þekkið mitt samband við hann og ég yrði hæstánægður með að fá hann aftur en hann er leikmaður PSG. Mín skoðun breytir engu.“
,,Auðvitað hef ég rætt við hann en það er ekki rétt að segja frá hvað við töluðum um. Ef hann vill tjá sig þá þarf hann að gera það.“
