Eins og margir hafa heyrt þá er goðsögnin Fernando Torres að leggja skóna frægu á hilluna.

Torres hefur undanfarið ár leikið í Japan en hann gerði samning við Vissel Kobe þar í landi.

Torres gaf það út fyrr á árinu að hann myndi hætta eftir tímabilið og spilar sinn síðasta leik á föstudaginn.

Spánverjinn er þekktastur fyrir tíma sinn hjá Liverpool þar sem hann raðaði inn mörkunum.

Torres skoraði yfir 250 mörk á ferlinum og vann nánast allt mögulegt.

Torres vann HM og EM með spænska landsliðinu og einnig Meistaradeildina, Evrópudeildina og FA bikarinn á félagsferlinum.