Anton Ari Einarsson hefur samþykkt að ganga í raðir Breiðabliks en þetta var staðfest nú í kvöld.
Þetta kemur fram í tilkynningu Breiðabliks en Anton mun ganga í raðir Blika frítt í haust.
Samningur hans við Val er að renna út og ljóst að Hannes Þór Halldórsson mun verja mark liðsins á næsta tímabili.
Tilkynning Breiðabliks:
Markvörðurinn Anton Ari Einarsson mun ganga til liðs við Breiðablik eftir lok núverandi tímabils þegar samningi hans við Val lýkur í haust.
Anton Ari er fæddur árið 1994 og verður því 25 ára á þessu ári. Hann er uppalinn í Aftureldingu en árið 2014 gekk hann til liðs við Val. Anton hefur leikið 148 leiki með meistaraflokki og á þar að auki að baki tvo landsleiki. Leikmaðurinn gerir þriggja ára samning við Blika.
Við bjóðum Anton Ara hjartanlega velkominn í Kópavoginn um leið og við óskum honum góðs gengis í baráttunni það sem eftir er af núverandi timabili með Hlíðarendafélaginu