Luka Jovic, leikmaður Real Madrid, hlær að þeim sögusögnum að hann sé á förum frá félaginu.

Jovic var keyptur til Real frá Frankfurt í sumar en er þrátt fyrir það orðaður við brottför strax.

Talað var um að samband hans og Zinedine Zidane, stjóra Real, væri slæmt en það er ekki rétt.

,,Zidane trúir á mig og þessi saga hefur ekkert breyst síðan við byrjuðum að vinna saman,“ sagði Jovic.

,,Ég læri af honum á hverjum einasta degi og er ánægður með það. Hann var á toppnum sem leikmaður og þjálfari.“

,,Fjölmiðlarnir fá mig alltaf til að hlæja. Það munu alltaf poppa upp svona sögur.“