Sokratis, leikmaður Arsenal, er á því máli að það gæti verið auðveldara að spila gegn Burnley en Liverpool.

Arsenal vann 2-1 sigur á Burnley á laugardaginn en baráttuandi Burnley er eitthvað sem allir kannast við.

Sokratis telur að næsta verkefni gegn Liverpool gæti verið auðveldara en leikurinn við Burnley.

,,Þetta verður öðruvísi leikur. Hann er kannski auðveldari því þú þarft ekki að slást eins mikið – þeir spila fótbolta,“ sagði Sokratis.

,,Ef þeir eru að eiga góðan dag og við slæman þá verður þetta erfitt. Við vitum að þetta verður erfitt og virðum Liverpool mikið.“

,,Besta leiðin er að mæta í leikinn og spila okkar leik. Við sjáum hvað gerist.“