Berti Vogts, fyrrum landsliðsþjálfari Þýskalands, setur spurningamerki við þá ákvörðun Bayern Munchen að fá til sín Philippe Coutinho.
Coutinho gerði lánssamning við Bayern í gær en hann kemur til félagsins frá Barcelona.
Þar náði Coutinho ekki að standast væntingar og byrjaði 22 leiki á síðustu leiktíð.
,,Í fyrstu sýn þá virðast þetta vera frábær skipti fyrir Bundesliguna,“ sagði Vogts.
,,Svo spyr ég spurningu: Af hverju er 27 ára gamall leikmaður að yfirgefa stórlið eins og Barcelona? Því hann gafst upp á að ná árangri þar.“
,,Hann er kannski ekki stjarna á heimsvísu heldur leikmaður sem væri á bekknum hjá Barcelona.“