Sam Allardyce, fyrrum stjóri enska landsliðsins, hefur hjólað í Rafa Benitez sem yfirgaf Newcastle í sumar.

Benitez vildi fá launahækkun hjá Newcastle en varð ekki að ósk sinni – hann fór því til Dalian Yifang í Kína.

Mike Ashley, eigandi Newcastle, fékk alla sökina á sig og segir Allardyce að það sé ekki rétt.

,,Rafa spilaði þetta mjög vel og hann setti alla sökina á Mike Ashley,“ sagði Allardyce.

,,Það er það sem stuðningsmenn Newcastle trúðu. Rafa fékk ekkert skítkast en Ashley fékk það allt.“

,,Nú eftir tvo leiki þá fær Steve Bruce það sama og Mike. Það er sorglegt fyrir einhvern sem er stuðningsmaður Newcastle og fékk að taka draumaskrefið.“

,,Stuðningsmennirnir þurfa að gefa honum meiri tíma – í lok dags þá er þetta erfitt starf.“

,,Rafa ákvað að stökkva annað um leið og fyrsta tilboðið barst.“