Roy Hodgson, stjóri Crystal Palace, hefur staðfest það að Wilfried Zaha gæti enn yfirgefið félagið.
Zaha reyndi ítrekað að komast burt frá Palace fyrr í sumar áður en félagaskiptaglugginn á Englandi lokaði.
Zaha gæti þó enn samið við félög í Evrópu en glugginn í öðrum löndum lokar ekki fyrr en í lok mánaðarins.
,,Það er ekkert vit í því að hafa áhyggjur af þessu. Ef þú spyrð mig hvort ég myndi taka vel í sölu þá er svarið nei,“ sagði Hodgson.
,,Þú getur aldrei útilokað að það gæti gerst því félagaskiptaglugginn í Evrópu er ennþá opinn – það er þó eitthvað sem ég mun ekki velta fyrir mér því ég stjórna þessu ekki.“