Huddersfield hefur rekið knattspyrnustjóra sinn Jan Siewert en þetta var staðfest í gær.
Siewert tók við Huddersfield á síðustu leiktíð en mistókst að halda félaginu í ensku úrvalsdeildinni.
Hann var áður hjá varaliði Dortmund og voru margir sem settu spurningamerki við ráðninguna.
Huddersfield hefur byrjað tímabilið illa og tapaði 1-2 heima gegn Fulham í gær.
Stjórn Huddersfield ákvað í kjölfarið að reka Siewert en óvíst er hver mun taka við keflinu.
