Selfoss 2-1 KR
0-1 Gloria Douglas(18′)
1-1 Hólmfríður Magnúsdóttir(36′)
2-1 Þóra Jónsdóttir(102′)
Selfoss er bikarmeistari kvenna árið 2019 en liðið mætti KR í úrslitaleiknum á Laugardalsvelli.
Það var boðið upp á spennandi leik í Laugardalnum en KR tók forystuna með marki frá Gloria Douglas.
Reynsluboltinn Hólmfríður Magnúsdóttir jafnaði svo metin fyrir Selfoss á 36. mínútu og reyndist það síðasta mark venjulegs leiktíma.
Varamaðurinn Þóra Jónsdóttir sá svo um að tryggja Selfyssingum sigur í framlengingu og fer bikarinn á Selfoss þetta árið.
Þetta var í fyrsta sinn í sögunni sem félagið vinnur bikarinn.