Arsenal ætti að losa sig við miðjumanninn Henrikh Mkhitaryan fyrir lok ágúst að mati Nigel Winterburn.
Mkhitaryan hefur ekki staðist væntingar á Emirates en hann kom til félagsins frá Manchester United í fyrra.
,,Arsenal ætti að reyna að selja Mkhitaryan til annars félags í Evrópu áður en glugginn lokar,“ sagði Winterburn sem er fyrrum leikmaður Arsenal.
,,Þegar allir eru heilir hjá Arsenal þá verður hann í vandræðum með að fá spilatíma á leiktíðinni.“
,,Það er eins og hann sé pirraður þarna, það gengur ekkert upp hjá honum. Hann hittir ekki á samherja, ekki markið og kemst ekki framhjá neinum.“
