Þeir Daníel Leó Grétarsson og Aron Elís Þrándarson komust báðir á blað fyrir lið Aalesund sem mætti Sogndal í norsku B-deildinni.
Fjórir Íslendingar voru í byrjunarliði Aalesund en Davíð Kristján Ólafsson og Hólmbert Aron Friðjónsson spiluðu líka.
Daníel skoraði fyrsta mark Aalesund í 3-2 sigri og kom Aron Elís liðinu yfir í 2-1.
Viðar Ari Jónsson lék þá með liði Sandefjord sem gerði 2-2 jafntefli við Skeid á sama tíma.