Zlatan Ibrahimovic, leikmaður LA Galaxy, segir að nýr leikmaður liðsins, Cristian Pavon, sé of góður fyrir MLS deildina.
Pavon kom til Galaxy fyrr í sumar og spilaði sinn annan leik í góðum 2-0 sigri á Dallas í vikunni.
Pavon er 23 ára gamall vængmaður en hann á að baki 11 landsleiki fyrir Argentínu. Hann er í láni hjá Galaxy frá Boca Juniors í Argentínu.
,,Hann er mjög góður. MLS mun ekki fá að njóta hans mjög lengi. Við ættum að njóta hans á meðan við höfum hann,“ sagði Zlatan.
,,Þegar þú ert með svona leikmann þá þarftu ekki að segja of mikið. Þú talar á vellinum og reynir að gera þitt besta.“
,,Hann veit hvað hann er að gera. Þetta var hans annar leikur og hann var bestur á vellinum.“
,,Ég hefg spilað með mörgum leikmönnum og ég sé þegar leikmaður gerir gæfumuninn og það er það sem hann gerir.“