Alexis Sanchez gæti fengið að spila mikið á þessu tímabili segir stjóri Manchester United, Ole Gunnar Solskjær.
Það var talað um að Sanchez væri að æfa með varaliði United þessa dagana en Solskjær segir að það sé kjaftæði.
,,Alexis er sannur atvinnumaður, hann mætir í vinnuna á hverjum degi og leggur sig mikið fram. Hann vill vera hluti af þessu,“ sagði Solskjær.
,,Þessar sögur um að hann sé að æfa með varaliðinu… Auðvitað ekki. Hann er aðeins á eftir öðrum leikmönnum en er nálægt því að vera tilbúinn.“
,,Við erum ekki með það marga sóknarmenn svo Alexis gæti á endanum spilað mun meira en þið búist við.“
