Valur 2-3 FH
0-1 Steven Lennon(víti, 51′)
1-1 Patrick Pedersen(víti, 55′)
2-1 Patrick Pedersen(víti, 64′)
2-2 Björn Daníel Sverrisson(75′)
2-3 Morten Beck(83′)
Það fór fram stórleikur í Pepsi Max-deild karla í kvöld er lið Vals fékk FH í heimsókn á Oriigo völlinn.
Það var ekkert brjálað fjör í fyrri hálfleik en fyrsta mark leiksins skoraði Steven Lennon úr víti fyrir FH á 51. mínútu.
Þremur mínútum síðar fékk Valur svo vítaspyrnu en sá dómur var ansi umdeildur. Patrick Pedersen steig á punktinn og skoraði.
Níu mínútum seinna var staðan orðin 2-1. Valur fékk þá aðra vítaspyrnu og skoraði Patrick aftur örugglega.
Björn Daníel Sverrisson jafnaði svo metin fyrir FH á 75. mínútu leiksins og stefndi þá í jafntefli.
Nýi maðurinn Morten Beck hjá FH var þó á öðru máli og tryggði liðinu sigur með marki á 83. mínútu leiksins! Lokastaðan, 2-3.