Keflavík 1-5 Valur
1-0 Lillý Rut Hlynsdóttir(sjálfsmark)
1-1 Fanndís Friðriksdóttir
1-2 Margrét Lára Viðarsdóttir
1-3 Margrét Lára Viðarsdóttir
1-4 Dóra María Lárusdóttir
1-5 Málfríður Anna Eiríksdóttir
Valur er komið með þriggja stiga forskot í Pepsi Max-deild kvenna eftir leik við Keflavík í kvöld.
Valsstúlkur eru taplausar eftir fyrstu níu umferðirnar, rétt eins og Breiðablik sem á leik til góða.
Keflavík komst óvænt yfir í leik kvöldsins en Lillý Rut Hlynsdóttir skoraði þá sjálfsmark fyrir gestina.
Staðan var 1-0 í hálfleik en í seinni hálfleik tóku þær rauðu öll völd á vellinum og skoruðu fimm mörk.
Margrét Lára Viðarsdóttir gerði tvö af þeim og þær Fanndís Friðriksdóttir, Dóra María Lárusdóttir og Málfríður Anna Eiríksdóttir komust einnig á blað.
