Það fór fram stórslagur í Pepsi Max-deild kvenna í kvöld er lið Vals og Breiðabliks áttust við á Origo-vellinum.
Um var að ræða tvö efstu lið deildarinnar en bæði lið voru með 21 stig eftir fyrstu átta umferðirnar eða fullt hús stiga.
Valur byrjaði leik kvöldsins betur og var staðan orðin 2-0 eftir 26 mínútur. Margrét Lára Viðarsdóttir kom Val yfir áður en Hlín Eiríksdóttir bætti við öðru.
Berglind Björg Þorvaldsdóttir lagaði stöðuna fyrir Blika áður en flautað var til hálfleiks og staðan í leikhléi, 2-1.
Það var svo Alexandra Jóhannsdóttir sem gerði síðasta mark leiksins fyrir Blika undir lok venjulegs leiktíma og tryggði þeim grænu stig. Lokatölur, 2-2 jafntefli.
Selfoss lyfti sér upp í fjórða sæti deildarinnar á sama tíma eftir leik við KR. Selfoss vann 1-0 heimasigur og situr KR á botninum með fjögur stig.
Fyrr í dag áttust þá við lið Þórs/KA og Stjörnunnar en þeim leik lauk með markalausu jafntefli.
Valur 2-2 Breiðablik
1-0 Margrét Lára Viðarsdóttir
2-0 Hlín Eiríksdóttir
2-1 Berglind Björg Þorvaldsdóttir
2-2 Alexandra Jóhannsdóttir
Selfoss 1-0 KR
1-0 Hólmfríður Magnúsdóttir
Þór/KA 0-0 Stjarnan
