Kyle Walker, leikmaður Manchester City, ætlar ekki að enda ferilinn hjá Englandsmeisturunum.
Walker vill snúa aftur til Sheffield United í framtíðinni en þar hóf hann ferilinn.
Walker er 29 ára gamall í dag en Sheffield tryggði sæti sitt í ensku úrvalsdeildinni á síðustu leiktíð.
,,Ég hef sagt það við fólkið sem sér um mín mál að ég myndi elska það að enda ferilinn hjá Sheffield,“ sagði Walker.
,,Þar byrjaði þetta allt saman, þar fékk ég mitt tækifæri í fótboltanum en þú veist aldrei hvað gerist, kannski vilja þeir ekki fá mig.“
,,Við gætum verið á mismunandi stöðum og þú veist aldrei hvað gerist. Chris [Wilder] ef þú vilt fá mig, þá kem ég bráðlega.“