Stuðningsmenn Chelsea eru reiðir út í félagið þessa stundina eftir ummæli Willian, leikmanns liðsins.
Willian greindi frá því í gær að hann myndi klæðast treyju númer 10 á næstu leiktíð.
Það er treyja sem var áður í eigu Eden Hazard en Hazard skrifaði undir samning við Real Madrid í sumar.
,,Nú er tían mín! Félagið hefur sagt mér að ég eigi þetta númer,“ sagði Willian í samtali við YouTube rásina Desimpedidos.
Það er óhætt að segja að það sé ekki vinsælt hjá stuðningsmönnum Chelsea sem höfðu sitt að segja.,
,,Það er glæpur að Willian sé að fá þetta númer og enginn getur sagt mér annað,“ skrifaði einn stuðningsmaður á Twitter.
Annar bætir við: ,,Hann hefur ekki gert neitt til að eiga þetta skilið.“
Willian er þrítugur vængmaður en hann hefur skorað 28 deildarmörk á sex tímabilum fyrir Chelsea.
