Paolo Sousa, stjóir Bordeaux í Frakklandi, hefur gefið í skyn að félagið sé að reyna við Laurent Koscielny.
Koscielny vill komast burt frá Arsenal í sumar og neitaði að ferðast með liðinu í æfingaferð á undirbúningstímabilinu.
Sousa vildi ekki gefa of mikið upp en gefur þó í skyn að Koscielny sé leikmaður sem öll lið myndu vilja nota.
,,Ég hef nú þegar sagt að hann sé ekki okkar leikmaður,“ sagði Sousa við blaðamenn.
,,Hann er leikmaður sem öll lið væru til í að hafa vegna reynslunnar og gæðanna.“
,,Við erum að leita að varnarmanni því Julies Kounde er farinn og við leitum að eftirmanni hans.“
,,Viðræðurnar eru í gangi en enn og aftur þá er hann ekki okkar leikmaður.“
