Bruno Fernandes, leikmaður Sporting í Portúgal, veit ekki hvort hann muni ganga í raðir Manchester United í sumar.
Fernandes er ofarlega á óskalista United en Sporting vill ekki selja hann ódýrt.
Miðjumaðurinn er ekkert að stressa sig og segir að hann ráði því ekki hvort hann fari annað í sumar.
,,Mér er alveg sama um leikmannamarkaðinn. Ég hef talað mikið um þetta,“ sagði Fernandes.
,,Ég þarf ekki að segja meira. Ég hef nú þegar sagt það að mig langi til að spila á Englandi.“
,,Þegar félagið tekur ákvörðun þá gerist eitthvað. Ég ræð þessu ekki.“