Lionel Messi hefur ekki hringt í Antoine Griezmann sem samdi við spænska stórliðið í sumar.
Griezmann hefur ekkert heyrt frá Messi en hann kom til Barcelona frá Atletico Madrid fyrr í sumar.
Messi hefur ekki boðið Griezmann velkominn til félagsins en Frakkinn fékk þó símtal frá Luis Suarez.
,,Sannleikurinn er sá að ég byrjaði mjög illa því þeir klobbuðu mig tvisvar á fyrstu æfingunni,“ sagði Griezmann.
,,Sem betur fer er ég búinn að læra af því. Messi hefur ekki hringt í mig en Suarez gerði það. Hann óskaði mér til hamingju og bauð mig velkominn.“
,,Hópurinn hefur tekið vel á móti mér og ég er glaður með að fá að deila búningsklefa með þeim. Vonandi get ég hjálpað þeim eins eins mikið og mögulegt er.“
