Arsenal er ekki búið að gefast upp á vængmanninum Wilfried Zaha en hann hefur verið á óskalista liðsins í allt sumar.
Palace hefur hafnað tveimur tilboðum frá Arsenal en upphæðirnar voru ekki nálægt verðmiða leikmannsins.
Sky Sports greinir frá því í kvöld að Arsenal sé enn að eltast við Zaha og að annað tilboð gæti borist í vikunni.
Zaha er sjálfur í fýlu hjá Palace en hann vill komast í stærra lið og spila fyrir sitt uppáhalds félag, Arsenal.
Roy Hodgson, stjóri Palace, tjáði sig um málið um helgina en hann hefur ekki heyrt af því að leikmaðurinn sé á förum.
