Mesut Özil, leikmaður Arsenal, telur að Joe Willock geti spilað stórt hlutverk með liðinu á næstu leiktíð.

Willock er 19 ára gamall miðjumaður en hann er uppalinn hjá Arsenal og kom aðeins við sögu á síðasta tímabili.

,,Willock veit hvað hann getur gert. Hann er alls ekki hrokafullur á velli en trúir á sjálfan sig,“ sagði Özil.

,,Sérstaklega gegn Bayern Munchen, öðru stóru félagi þá sýndi hann gæðin sín. Við erum ánægðir með að hafa hann.“

,,Hann hefur sýnt gæðin, sérstaklega á undirbúningstímabilinu og getur hjálpað okkur á tímabilinu.“

,,Í lok dags þá eru þessir ungu strákar með gæði. Þeir sýna það á hverjum degi á æfingum. Ef þeir haldast heilir og trúa á sjálfa sig, þá held ég að hann verði stór leikmaður.“