Brasilíumaðurinn Neymar er sterklega orðaður við brottför frá Paris Saint-Germain þessa dagana.

Neymar er ósáttur í herbúðum franska liðsins og hefur tjáð stjórn félagsins að hann vilji fara.

PSG keypti Neymar á 222 milljónir evra fyrir tveimur árum en hann var áður hjá Barcelona.

Vængmaðurinn hefur nú gefið í skyn að hann vilji ganga aftur í raðir Barcelona til að spila með Lionel Messi.

,,Messi er besti leikmaður sem ég hef spilað með og sá besti sem ég hef séð,“ sagði Neymar.

,,Við vorum frábærir saman og bæði gaman og mikill heiður að fá að spila með honum. Hann er líka vinur minn.“