Antoine Griezmann grét þegar félagaskipti hans til Barcelona gengu í gegn fyrr í sumar.

Griezmann var keyptur til Barcelona frá Atletico Madrid þar sem hann hafði leikið við góðan orðstír.

Griezmann reyndi að komast til Barcelona síðasta sumar en framlengdi að lokum við Atletico.

Nú ári seinna er Griezmann kominn til Barcelona og var hann svo ánægður eftir að skiptin gengu í gegn.

,,Ég hringdi í pabba minn og byrjaði að gráta af gleði því ég var kominn þangað, allt var klárt,“ sagði Griezmann.

,,Ég var með vinum mínum, eiginkonu og börnum og þessi stund var ótrúleg.“