Jurgen Klopp, stjóri Liverpool, segist ekki vera að fara neitt svo lengi sem félagið vill halda honum.

Klopp á þrjú ár eftir af samningi sínum við Liverpool en hann hefur stýrt liðinu undanfarin þrjú ár.

Þjóðverjinn er sáttur í Liverpool-borg og telur að það sé engin ástæða fyrir því að framlengja samninginn að svo stöddu.

,,Já, ég er ekki að fara neitt áður en samningurinn minn rennur út. Þannig sé ég það,“ sagði Klopp.

,,Þess vegna er samningurinn mikilvægur. Við höfum nægan tíma til að taka ákvarðanir.“

,,Við þurfum ekki að framlengja núna, ég á þrjú ár eftir og það er óþarfi að hafa áhyggjur.“

,,Ég vil aldrei vera í stöðu þar sem fólk er orðið pirrað á að hafa mig hérna. Það er sannleikurinn.“

,,Eins og staðan er þá er ég 100 prósent partur af þessu verkefni og við sjáum hversi lengi það endist.“