Alan Shearer, goðsögn Newcastle, ráðlagði vini sínum Steve Bruce að taka ekki að sér þjálfarastarf hjá Newcastle.

Bruce var ráðinn stjóri Newcastle í gær og mun vinna með eigandanum umdeilda, Mike Ashley.

Shearer fór út að borða með Bruce fyrir þremur vikum og grátbað hann um að neita félaginu sem hann elskar.

,,Það ráð sem ég gaf honum var einfalt: “Nei, nei, nei, nei, nei ekki taka þetta að þér,“ sagði Shearer.

,,Ég spurði hann af hverju hann yrði öðruvísi en Kevin Keegan eða Rafa Benitez? Ef hann myndi taka þetta að sér þá væri hann klikkaður því hann veit hvernig félagið virkar.“

,,Stevie er sinn eigin maður og ér virði það. Ég get ekki sagt honum hvað hann á að gera, jafnvel þó að hann sé góður vinur minn.“