Manchester United eltir Harry Maguire þessa dagana en hann leikur með Leicester City á Englandi.

United hefur lagt fram tvö tilboð í Maguire í sumar og það síðarnefnda var upp á 70 milljónir punda.

Það kemur fyrrum leikmanni United á óvart, Jonathan Spector en hann bjóst við að United myndi leita erlendis frekar en að kaupa enskan leikmann á mun hærri upphæð.

,,Þetta hefur komið mér á óvart. Hann er mjög góður varnarmaður og hefur sannað sig með landsliðinu en hluti af mér hélt að þeir myndu leita erlendis,“ sagði Spector.

,,Ég hélt að þeir myndu eltast við einhvern eins og Matthijs de Ligt en Maguire er góður leikmaður og gæti hentað félaginu vel en aðeins fyrir rétt verð.“