Frankfurt í Þýskalandi hefur staðfest það að framherjinn Sebastian Haller sé á leið til West Ham.
Frankfurt gaf frá sér tilkynningu í morgun þar sem greint er frá því að Haller sé að gangast undir læknisskoðun.
Um er að ræða 25 ára gamlan sóknarmann en Haller hefur undanfarin tvö ár spilað með Frankfurt.
Haller var áður hjá Utrecht í Holland en hann er uppalinn hjá franska félaginu Auxerre.
Hann mun kosta West Ham 45 milljónir punda og mun gera fimm ára samning við félagið.