Juan Mata, leikmaður Manchester United, vonast til að fá treyju leikmanns Leeds á morgun.
Leeds og United eigast við í æfingaleik í Bandaríkjunum og hittir Mata þá fyrrum liðsfélaga sinn Pablo Hernandez.
Hernandez og Mata voru saman hjá Valencia á sínum tíma en sá fyrrnefndi samdi við Leeds árið 2017.
,,Þegar ég kom hingað þá sendi ég honum skilaboð og hann svaraði: ‘Sjáumst á miðvikudaginn.’
,,Hann sagðist vilja fá treyjuna mína og ég vil fá treyjuna hans. Ég á mikið af treyjum en ég vil fá þessa nýju.“
,,Hann var liðsfélagi minn í fjögur ár hjá Valencia og herbergisfélagi minn, það verður gaman að mæta honum.“