Aaron Wan-Bissaka, leikmaður Manchester United, fékk ráð frá Wilfried Zaha eftir að hafa skrifað undir hjá félaginu.
Wan-Bissaka gerði samning við United í sumar en Zaha þekkir til þar en fékk þó fá tækifæri.
Wan-Bissaka kostaði United 50 milljónir punda og þekkir Zaha það vel að taka risaskref upp á ferlinum.
,,Þegar hann vissi að ég væri búinn að skrifa undir þá sagði hann mér að spila óhræddur,“ sagði Wan-Bissaka.
,,Ég er hérna sem nýr leikmaður og hann sagði mér að spila eins og ég gerði á síðustu leiktíð.“
,,Hann var ánægður fyrir mína hönd. Hann sagði að ég ætti þetta skilið og að ég ætti að halda áfram að leggja mig fram.“