Nacho Monreal, leikmaður Arsenal, hefur tjáð sig um stöðu varnarmannsins Laurent Koscielny hjá félaginu.

Koscielny er 33 ára gamall í dag en hann neitaði að fara með Arsenal í æfingaferð því hann vill komast burt í sumar.

Monreal hefur nú tjáð sig um stöðu leikmannsins og vonar að allt endi vel fyrir báða aðila.

,,Við virðum Laurent því hann hefur spilað fyrir Arsenal lengi og er okkar fyrirliði,“ sagði Monreal.

,,Það sem ég myndi vilja er að þeir komi þessu á hreint og þeir munu gera það. Af hverju ekki?“

,,Eins og staðan er þá er þetta á milli hans og félagsins. Við virðum bæði hann og félagið.“