Harry Maguire, varnarmaður Leicester City, er virkilega pirraður þessa stundina en hann er orðaður við brottför.
Stórlið Manchester City og Manchester United buðu bæði 70 milljónir punda í leikmanninn fyrr í sumar.
Leicester hafnaði hins vegar þeim tilboðum og hefur engan áhuga á að leyfa Maguire að fara.
Varnarmaðurinn er pirraður út í félagið og vill meina að verðmiðinn á sér sé alltof hár en hann vill semja við stærra lið.
Maguire segir að Leicester geri allt til að koma í veg fyrir skipti og að lið séu tilbúin að borga sanngjarna upphæð.
Leicester vill fá 85 milljónir fyrir enska landsliðsmanninn og telur hann að það sé ósanngjarnt að biðja um svo hátt verð.