Miðjumaðurinn Fabian Delph hefur skrifað undir samning við Everton en þetta var staðfest í kvöld.
Delph er 29 ára gamall en hann hefur undanfarin fjögur ár spilað með Englandsmeisturum Manchester City.
Delph lék aðeins 57 deildarleiki fyrir City á þessum fjórum árum og skoraði í þeim fjögur mörk.
Hann hefur undanfarið leyst stöðu vinstri bakvarðar hjá City en óvíst er hvort hann leiki þar með Everton.
Delph kostar Everton níu milljónir punda en hann var áður hjá Aston Villa og spilaði þar yfir 100 deildarleiki.