Það vakti athygli þegar Romelu Lukaku tók ekki þátt í leik Manchester United og Perth Glory í gær.
Lukaku er mikið orðaður við brottför þessa dagana en hann er sagður vera óánægður á Old Trafford.
Lukaku tók ekki þátt í 2-0 sigri á ástralska liðinu en United er nú í æfingaferð fyrir komandi átök í ensku úrvalsdeildinni.
Ole Gunnar Solskjær, stjóri United, hefur staðfest það að Lukaku hafi aðeins verið meiddur og gat því ekki tekið þátt.
,,Þeir eru allir meiddir, Lukaku, Eric Bailly, Victor Lindelof og Lee Grant. Þetta eru bara smávægileg meiðsli og við viljum vernda þá,“ sagði Solskjær.
,,Ég býst við því að við fáum að sjá þá á miðvikudaginn,“ bætti Solskjær við en United spilar þá við Leeds.
