Eden Hazard, leikmaður Real Madrid, vill ekki fá sjöuna frægu hjá félaginu en spænskir miðlar greina frá þessu.
Hazard skrifaði undir samning við Real í sumar og kom þangað eftir sjö ára dvöl hjá Chelsea.
Talað hefur verið um að Hazard myndi fá treyju númer sjö sem Cristiano Ronaldo klæddist hjá félaginu.
Hazard vill hins vegar ekki feta í fótspor Ronaldo og bað þess í stað um treyjunúmerið 23.
Það númer var notað af David Beckham er hann lék með Real við góðan orðstír í mörg ár.
Sjöan er þessa stundina í eigu Mariano Diaz en útlit er fyrir að hann kveðji félagið í sumar.