Það eru þrjú lið sem eru sögð vera að skoða Diego Costa, framherja Atletico Madrid á Spáni.
Enskir miðlar greina frá þessu í kvöld en Costa má yfirgefa Atletico. Hann stóðst ekki væntingar á síðustu leiktíð.
Costa þekkir vel til Englands en hann lék með Chelsea í þrjú ár og var duglegur að skora mörk.
Everton er talið vera í bílstjórasætinu um Costa en nú eru tvö önnur lið búin að blanda sér í baráttuna.
Það eru Wolves og West Ham en þeim vantar framherja til að skora mörk á næstu leiktíð.
Það er óvíst hvort Costa vilji snúa aftur til Englands en ljóst er að hann getur ekki samið aftur við Chelsea þar sem félagið er í félagaskiptabanni.
