Það er möguleiki á því að Patrick Pedersen sé á leið til Vals í þriðja skiptið á ferlinum.
Valur gefur þetta í skyn á Twitter í dag en Patrick er nú án félags eftir að hafa yfirgefið Sheriff í Moldavíu.
Patrick er 27 ára gamall og varð markakóngur á síðustu leiktíð er Valur fagnaði sigri í deildinni.
Patrick lék með Val 2014-2015 og svo 2017-2018. Eftir tvö góð tímabil reyndi hann fyrir sér í atvinnumennsku.
Daninn skoraði 17 mörk fyrir Val á síðasta tímabili og myndi hjálpa liðinu gríðarlega á seinni hlutanum í sumar.
