Patrick Pedersen er genginn í raðir Vals á nýjan leik eftir stutt stopp hjá Sheriff í Moldavíu.
Valur staðfesti komu Patrick í dag en hann gerir fjögurra ára samning við Íslandsmeistarana.
Patrick hefur tvisvar áður spilað með Val og í bæði skiptin varð hann markakóngur hér heima.
Valsmenn þurfa á mörkum Patrick að halda en liðið hefur verið í basli á þessari leiktíð.
Patrick skoraði 17 mörk fyrir Val á síðustu leiktíð en gerði aðeins fimm mörk í Moldavíu.
