Það er mikið talað um framtíð miðjumannsins Lucas Torreira þessa dagana en hann spilar með Arsenal.
Torreira hefur aðeins leikið með Arsenal í eitt ár en er þrátt fyrir það sterklega orðaður við brottför.
Lið AC Milan á Ítalíu er sagt hafa áhuga á Torreira sem er ekki of ánægður í London og líkar betur við að búa á Ítalíu.
Þessi fyrrum leikmaður Sampdoria neitar því þó að Milan sé búið að hafa samband við sig í sumar.
,,Það hefur enginn frá AC Milan haft samband við mig. Ég er í ensku úrvalsdeildinni og er ánægður með að vera hluti af Arsenal,“ sagði Torreira.